العقيله للزجيه!! الشاعر حسين الساعدي
والعقيله امهَدِده!!!
حسين الساعدي
بالعقيله للزجيه--انعزي ويصيح الصده
اليوم عادوا جيش اميه-والعقيله امهدده
----------
هَدِدوهه وما نشوفك
وانته سبع الكَنطره!
يالله رد بينه الطفوفك
عيد صولة حَيدره
اشتاكت الزينب جفوفك
وهَسه هيه اميسره!
ذوله وهابيه اجوهه--هَدِدوهه وانته اخوهه!
والعقيله امهَدده
----------
احنه يا عباس صحنه
روحنه الزينب تهون
بهل ضرف لهناك رحنه
ما يهمنه اشما يكون
واصَل الطَفكم جَرحنه
وفَنهم اعداكَم يجون
زودك الهل يوم بينه-للعقيله احنه انتخينه
والعَقيله امهَدده!
---------
خلها تجمعنه المنايه
اوياكم ابسيف النواصب
وانتم انوار الهدايه
حُبكم اعله الناس واجب
واحنه أنصار الولايه
عالدفاع الكم نواضب
اليوم للشام اعتنينه-للعقيله اتطوعينه
والعقيله امهدده
------
بالعقيله للزجيه--انعزي ويصيح الصده
اليوم عادوا جيش اميه-والعقيله امهدده
الشاعر حسين الساعدي
موضوع: العقيله للزجيه!! الشاعر حسين الساعدي 
الأربعاء مايو 29, 2013 12:39 am
